persona.is

Hegðunarstjórnun í kennslustofum

Stundum eru neikvæð samskipti milli kennara og nemenda. Af hálfu kennarans felast þau til að mynda í því að gagnrýna líkamsburð nemenda, benda á mistök þeirra, gera kaldhæðnislegar athugasemdir við hegðun þeirra, sýna vanþóknun með svipbrigðum, og svo framvegis. Kennarar sem hegða sér á þennan hátt álíta oft að það sé hlutverk þeirra að benda á það sem á vantar eða ofaukið er hjá nemendum. "Þú lærir af mistökum þínum", gætu verið einkunnarorð þeirra. Aðrir kennarar leggja áherslu á jákvæð samskipti við nemendur. Þeir hrósa nemendum þegar þeir bera sig vel, benda þeim á það sem vel er gert, lofa félagslega hegðun sem er til fyrirmyndar, brosa til að sýna ánægju sína, og svo framvegis. Þessir kennarar líta svo á að nemendur læri best ef þeim er bent á það sem vel er gert frekar en það sem miður fer.

Aðrar greinar